من الأشهر اليوم؟

قال الإعلامي أحمد موسى، إن المحامي خالد علي، عضو هيئة الدفاع عن مصرية جزيرتي «تيران وصنافير»، لوَّح بإشارات بذيئة عقب صدور حكم الإدارية العليا، اليوم الإثنين.

أضاف موسى، خلال تقديمه برنامج «على مسئوليتي»، عبر فضائية «صدى البلد»، «لا يليق بك أن تفعل ذلك، عيب، بترفع صباعك لمين؟ هي بقت كده يعني؟ وصلت لكده؟ الرسالة دي يا خالد علي لمين؟ عيب والله قلة الأدب دي».

تابع: «لو دكر يا خالد قولي صباعك ده رافعه لمين؟ هي دي الأخلاقيات اللي بتتكلموا عليها؟ هو أنت يعني حررت سيناء؟».

وعن مطالبة خالد علي، بمحاكمة الرئيس عبد الفتاح السيسي، قال موسى: «لولا السيسي كان زمانكم مستخبيين تحت السراير لما كان الإرهابيين هيجيبوكم من رقابكم، ولا إنتوا نسيتوا لما قولتوله تعالى إنقذنا من الإرهابيين؟ السيسي هو من أنقذ مصر وحماها».

وأكد «موسى»، أن القضاء المصري لا يتدخل فيه السياسية، مطالبًا الجميع بإحترامه في جميع المواقف، مضيفًا: «اوعوا بكرة تشتموا القضاء لما يحكم ضد الإخوان وبديع، المشكلة أن البعض عايز حكم على مزاجه، وجايين يطلعوا الرئيس النهاردة خاين، وأنتم اللي عملتم من الخونة أبطال، وبتتكلموا عن اللي ليهم علاقات دولية على أنه بطل؟ مين أنتم؟ هى الآية اتقلبت ولا إيه؟».